Duno naglaraw og knockout nga daog
CEBU, Philippines - Naglantaw si Romero ‘Dynamite’ Duno og ‘knockout’ nga kadaugan batok sa Thai niyang kaatbang nga si Paiboon Lorkam sa umaabot nilang sangka alang sa WBC Asian Boxing Council super featherweight title karong Septiyembre 10 didto sa Tupi Municipal Gym sa Tupi, South Cotabato.
Ang 20-anyos nga si Duno, lumad gikan sa General Santos City, gusto nga mohimo og impresiyon sa tuyo nga maangkon ang titulo atubangan sa iyang mga fans.
Nagtangag si Duno og 10-1 nga baraha, samtang si Lorkam adunay 16 ka daog ug walo ka pilde.
“We need to score an impressive victory over the tough Thai fighter, a knockout would be perfect,” matud pa sa bag-ong trainer sa Sanman nga si Dodong Desabille.
Midaog si Duno sa katapusan niyang away pinaagi sa 3rd TKO batok sa beteranong si Eusebio Baluarte didto sa Gaisano Mall Gensan niadtong Hunyo 26. Iyang natilawan ang bugtong niyang pilde sa mga kamot sa Russian nga si Mikhail Alexeev sa ilang WBO Youth super featherweight title fight niadtong Mayo 6 didto sa DIVS Ekaterinburg sa Russia. (BANAT PALARO)
- Latest
