YLAC nagsolo na sa liderato sa IBP-Cebu Basketball League
CEBU, Philippines - Mikamada og 24 puntos si Tope Ang aron pagtuboy sa YLAC ngadto sa 73-62 nga kadaugan batok sa Eagles sa nagpadayong Integrated Bar of the Philippines-Cebu Basketball League didto sa Capitol Parish gym sa may dalan Escario, dakbayan sa Sugbo.
Si Val Ligutan miamot og 16 puntos alang sa YLAC nga nag-inusara na karon sa liderato bitbit ang 5-1 win-loss record.
Ang Eagles nakatilaw sa ikaupat nilang pilde batok sa duha ka daog.
Sa laing mga duwa, si Ferdie Riveral miratsada og 21 puntos alang sa Badboys nga nakaeskapo batok sa Dzntrs, 68-67, samtang si Fritz Hontanosas mipasud sa krusyal niyang follow-up shot aron pag-aswat sa Rebels ngadto sa 69-66 nga kalampusan batok sa Spartans.
Ang Badboys ug Dzntrs nagtabla karon uban sa Sub Zero Idols sa ikaduhang dapit sa liderato sa managsama nilang 4-2 nga baraha. Ang Rebels nagtangag og 2-4 card, samtang ang Spartans padayon nga nagtingkagol sa ubos kay wala pa’y daog sa unom ka duwa.
Ang Sub Zero Idols nakatilaw sa ikaduha nilang pilde sa mga kamot sa Pañeros, 61-66 nga nagkupot na karon og 3-3 record.
Puntos matag usa
Unang duwa:
Rebels (69) – Padoga 30, Pacoli 14, Lim 9, Tabotabo 5, Hontanosas 7, Rama 2, Stevpas 2.
Spartans (66) – Patiño 18, Regis 15, Ocupe 11, Tan 7, Lorenzo 5, Owe 4, Chumz 4, Esparagoza 2.
Ikaduhang duwa:
YLAC (73) – Ang 24, Ligutan 16, Hupp 9, Apolinario 7, Arnaiz 6, Prieto 4, Remedio 3, Bas 2, Sibay 2.
Eagles (62) – Villegas 11, Lagahit 9, Velmonte 8, Dinsay 8, Santos 5, Vallecer 5, Solis 4, Guaren 4, Hiyas 2, Negapatan 2, Gealon 2, Abcede 2.
Ikatulong duwa:
Badboys (68) – Riveral 21, R. Bauzon 13, Bragat 9, Busi 8, Del Prado 6, E. Bauzon 5, Narido 4, Dumon 2.
Dzntrs (67) – Ortiz 15, Sojor 12, Requina 10, Albeos 6, Sususco 6, Asis 4, Badilles 4, Gabales 4, Fajardo 2, Rosal 2, I. Gamallo 2.
Ikaupat nga duwa:
Pañeros (66) – Juban 17, Calipayan 9, Manching 10, M. Gamallo 8, Molde 8, Retuya 6, Ronald 6, Dinopol 2.
Sub Zero Idols (61) – Capoy 16, Macion 11, Miralles 9, Yu 8, Marquez 6, Nuñez 6, Enad 3, Arrabis 2. (BANAT NEWS)
- Latest