1st Mayor Loot Cup motocross karong Domingo
CEBU, Philippines - Andam na ang tanan alang sa labing unang Mayor Vic Loot Cup motocross karong Domingo didto sa lungsod sa Daanbantayan, amihanang bahin sa lalawigan sa Sugbo.
Ang veteran rider ug lumad nga taga-Daanbantayan nga si BJ Pepito manalipod sa iyang balwarte batok sa mga bisitang riders.
Gawas sa mga beteranong riders, makahigayon usab ang mga lumulupyo sa Daanbantayan nga makapakita sa ilang abilidad sa pagmaneobra sa mga motorsiklo.
Gipasiugdahan ni Daanbantayan councilor Malou Pepito ug Cebuano motocross legend Pepo Rubi, ang maong motocross event gilangkuban usab sa intermediate, novice production, beginners, veterans, executive A, B and C, ladies open ug 12-below, mini 85cc, 65cc, 50cc, open ug local enduro.
Ganting salapi ang nagpaabot sa top five performers sa matag kategoriya. (BANAT NEWS)
- Latest