CBM nanghawod sa Silliman University swimfest
CEBU, Philippines - Mikolekta og 886 puntosangCebu Blue Marlins (CBM) aron mapanalipdan ang ilang trono sa 115th Silliman University Founder’s Day Novice and Competitive Age-group Swimfest kagahapon didto sa dakbayan sa Dumaguete.
Ang host team nga Silliman University Stallions mitungtong sa ikaduhang dapit sa ilang 607 puntos, samtang ang Kaamulan Aquatics sa Bukidnon maoy ikatulo nga mihakot og 299 puntos.
Gawas sa overall championship, unom usab ka sakop sa CBM ang gibayaw isip most outstanding swimmers sa tagsa-tagsa nila ka dibisyon.
Kini naglakip nilang Junvic Tiro (18-above), Mike Gabrielle Dela Cerna ug Maria Michaella Recilla (9-10), Mai Kawabata (13-14), Karen Mae Indaya (15-17) ug Zurielle Kenzie Galo (7-8).
Si Galo mikabkab og tulo ka golds ug usa ka silver, samtang sila si Recilla ug Kawabata adunay tag-upat ka bulawan. Si Indaya nimina og lima ka buwalang medalya, samtang si Dela Cerna adunay tulo ka golds ug si Tiro midaog usab og tulo ka golds ug usa ka silver. (BANAT NEWS)
- Latest
