Rain or Shine nakalikay sa disgrasya batok Blackwater

CEBU, Philippines - Nalikayan sa reigning PBA Commissioner’s Cup champion Rain or Shine Elasto Painters ang usa ka upset human sila makaipsot batok sa Blackwater Elite, 98-92  sa Governors’ Cup kagabii didto sa Ynares Center.
Hapit madisgrasya ang Painters human mihiyos ang ilang 65-52 nga labaw sa third period ngadto sa dos puntos, 86-84 sa katapusang dos minutos sa duwa. Ang import nga si Dior Lowhorn ug si veteran shooter Jeff Chan parehong mipintal og 20 puntos  sa Rain or Shine nga adunay 2-1 nga baraha, samtang ang  Blackwater nga nakatilaw sa ikaduhang sunod-sunod nilang pilde gipangulohan  ni Carlo Lastimosa  nga mikandos og 20 puntos. Ang import nilang si Eric Dawson miiskor lang og 14.