Castro mangu sa All-Star reserves
CEBU, Philippines - Si Jayson Castro sa TNT Ka Tropa maoy nag-una sa lista sa mga reserves nga moduwa sa PBA All-Star game karong Agosto 7 didto sa Smart Araneta Coliseum.
Uban ni Castro nga moduwa ubos sa North all-Stars mao ang iyang teammates nga sila si Ranidel De Ocampo ug Troy Rosario, Alex Cabagnot sa San Miguel Beer, Gabe Norwood ug Paul Lee sa Rain or Shine ug Stanley Pringle sa GlobalPort.
Una nang ginganlan ang North starters nga sila si Terrence Romeo, Calvin Abueva, Marc Pingris, Mar Caguioa ug Japeth Aguilar.
Atbangan sila nila ni South All-Stars James Yap, June Mar Fajardo, Joe Devance, Scottie Thompson ug Asi Taulava, kinsa maoy mihulip ni Greg Slaughter nga di kaduwa tungod sa injury.
Ang mga reserves sa South mao sila si JR Quinahan, Jeff Chan ug Jericho Cruz sa Rain or Shine, Chris Ross sa San Miguel, Carlo Lastimosa sa Blackwater ug silang Mark Barroca ug RR Garcia sa Star. (BANAT PALARO)
- Latest