Pinoy boxers nitaak na sa Rio
CEBU, Philippines - Ang duha ka Pinoy’ng boksidor nga adunay purohan makadaog og bulawang medalya sa Rio Olympics niabot na kagahapon didto sa Rio de Janiero, Brazil.
Sila si light flyweight Rogen Ladon ug lightweight Charly Suarez mipadayag dayon sa ilang kaandam nga makigbinukbukay batok sa labing banggiitang mga boksidor sa kalibotan.
Gibati sab sila og tumang kahinam nga mopakita’g aksiyon sa labing unang higayon sa Olympics.
Ang Rio Olympics sugdan sa Agosto 5.
Sa kinatibuk-an, ang Pilipinas mipadala og 12 ka atleta ug apil sa ilang tahas mao ang pagtunol sa nasud og medalya sa labing unang higayon sud sa 20 ka tuig.
Sa pag-abot nilang Ladon ug Suarez, tulo na lang ka miyembo sa Phl Team ang wala pa makatugpa sa Rio nga si marathoner Mary Joy Tabal, hurdler Eric Clay ug golfer Miguel Tabuena. (BANAT PALARO)
- Latest