Blatche ganahan gihapon moduwa sa Gilas

CEBU, Philippines - Bisan pa sa bati niya nga kasinatian sa miaging kampanya uban sa Gilas Pilipinas nga wala gyud makadaog sa Olympic qualifiers, si ex-NBA center ug naturalized player Andray Blatche  ganahan gihapon moduwa  sa nasudnong koponan.

Si Gilas team manager Butch Antonio miingon nga personal niya nga nahinabi si Blatche, kinsa miuli na ngadto sa Estados Unidos human sa Olympic qualifiers.

Gisaysay ni Antonio nga si  Blatche  mipadayag nga moduwa gihapon alang sa nasud kun kinahanglanon sa national team iyang serbisyo.

Sunod nga pangandaman sa Samahang Basketbol ng Pilipinas ang serye sa mga qualifiers nga agian sa national team alang sa 2019 FIBA World Cup. (BANAT NEWS)