Batang Gilas kaging sa Thailand
CEBU, Philippines - Mingitngit ang kahigayonan sa Batang Gilas nga makasulod sa knockout stage human madisgrasya sa Thailand, 71-74 sa FIBA Asia U18 Championship didto sa Tehran, Iran.
Pabor unta ang Batang Gilas tungod kay kapila na nila gipilde ang Thailand sa mga milabay’ng torneyo, apan wala na sila makaugpo dihang miduwa ang NCAA division one player nga si Thai-Nigerian
Justin Bassey nga maoy mibaswat sa iyang koponan.
Si Bassey mirehistro og 34 puntos lakip na ang mga krusyal nga tira sa final period nga nakapaluya sa Batang Gilas.
Ang Batang Gilas milabaw og kuwatro 63-59 sa katapusang 6:45 sa duwa, apan wala sila makasustiner hinungdan nga nailog sa Thailand ang momentum.
Si Jolo Mendoza maoy nangulo sa mga Pinoy sa iyang 22 puntos, samtang si JV Gallego mitampo og 20 puntos. (BANAT NEWS)
- Latest