Kenyans, Sorongon daog sa St. Ignatius Run

CEBU, Philippines - Ang gikahadlokang Kenyan runners nga gipangulohan ni Erick Chipsiror maoy nanghawod sa half marathon sa St. Ignatius Run didto sa SM Seaside City kagahapon.

Si Chipsiror maoy labing paspas sa men's division sud sa usa ka oras, nuybe minutos ug 34 segundos. Iyang gibiyaan ang mga kababayan niyang sila si Hapram Kilimo (1:12:10) ug Joseph Moruri (1:12:42). Si Rafael Piscos mitapos sa ikaupat sa oras nga 1:15:43, samtang si Philip Duenas maoy ikalima sa oras nga 1:19:01.

Sa women's bracket, si Ruffa Sorongon miangkon sa korona sa oras nga 1:33:54. Si April Flynn maoy nalandig sa ikaduhang puwesto sa oras nga 1:37:43, samtang si Lizane Abella maoy na-3rd sa oras nga 1:38:34.

Sa men's 6K, si Arnel Florentino maoy unang nakatunob sa finish line sud sa 29 minutos ug 39.2 segundos. Nagsunod kaniya sila si Harold Kim Guiao (20:40) ug John Daryll (20:56.22).

Ang top 3 sa women's 6K mao sila si Lovely Andrin (22:57.91), Karen Manayo (26:38.66) ug Loraine Hann (30:22.84).

Sa 3K category, naghari sa tagsa-tagsa nila ka dibisyon mao sila si Catherine Angeli Yu (11:39.46) ug Jason Padayao (9:48.83). (EBV) (BANAT NEWS)