Batang Gilas miyukbo sa Chinese-Taipei sa FIBA Asia under 18 opener
CEBU, Philippines - Pakyas ang Philippine national youth basketball team pagkulit og daog dihang ang Batang Gilas gilubong sa Chinese-Taipei, 74-88 pagsugod sa FIBA Asia U18 Championship kagahapon didto sa Tehran, Iran.
Ang Batang Gilas gilubong og 20 puntos sa first half, 29-49, apan ang batan-ong Pinoy mipakita sa ilang abilidad ug hinay-hinay gikitkit ang labaw sa third period.
Sa dihang miaksiyon na unta sila og sikit, ang Chinese-Taipei milusad og 10-2 nga rally aron inaton og balik ang labaw, 83-71 sa katapusang tres minutos sa duwa.
Naglisud ang Batang Gilas sa ilang opensa tungod sa grabeng depensa sa Chinese-Taipei, gani si Jonas Tibayan mao lang ang bugtong nakahimo og double-digits sa Pilipinas sa iyang 15 puntos.
Ang national team maningkamot nga makasulod sa top three sa torneyo aron makakuha og pasaporte sa FIBA World U19 Championship sunod tuig. (BANAT PALARO)
- Latest
