Mr. Coffee Football Cup andam na

CEBU, Philippines - Andam na ang tanan alang sa Mr. Coffee Football Cup nga gikatakda sa Agosto 21 didto sa  Don Bosco Technology Center field sa Barangay Punta Princesa.
Si Jerome Villordon, CEO sa Mr. Coffee, nagkanayon nga ang maong kalihukan usa ka fund-raising event alang sa technical and vocational education program sa DBTC. Kabahin usab sa kita mapunta sa DBUAFC ug sa  Don Bosco-

Magone sa Liloan nga motabang sa mga ex-convicts sa ilang livelihood training.
Moabot ngadto sa 11 ka kategoriya ang tigian sa usa ka adlaw nga football festival nga naglakip sa mixed under-7,  9 ug 11, boys’ ug girls’ under-13 ug 19, boys' 15, 38-above, premiere ladies ug men’s open. Ang tanan kategoriya mosunod sa seven-a-side format.
 

Mga tropeyo ug medalya ang madawat sa mga top performers sa matag dibisyon.  Ang entry fee nagkantidad og P1,500 matag koponan. Ang deadline sa pagduso sa mga entrante kutob lamang karong Hulyo 29 diha sa Mr. Coffee sa One Mango. (BANAT PALARO)