Sunsport advanced skills program sa lunes na

CEBU, Philippines - Ang “Heavy Training Ball-Advanced Skills Program” nga pasiugdahan sa Sunsport sugdan na karong Lunes diha sa Sacred Heart Center Sports Club sa   dalan D. Jakosalem   dakbayan sa Sugbo.

Abli sa mga basketbolista nga nag-edad og 15 anyos pataas, ang lima ka adlaw nga camp padaganon nilang US-based Cebuano NBA trainer/coach Jeff Codera ug Sunsport training director Jojo Romarate.

Ang pagbansay-bansay ipahigayon gikan sa alas-9  sa buntag hangtod sa alas-12 sa udto matag adlaw hangtod sa Hunyo 3.

Limitado lamang ngadto sa 50 ang makaapil. Ang rehistrasyon nagkantidad og P2,000 apil na niining ang training jersey ug Sunsport heavy training ball. Alang sa dugang detalye, mahimong motawag sa 345-1015, 0922-8377712, 0933-2677713 o 0921-2338305. (BANAT NEWS)