Gilas cadet midemolis sa Indonesia sa 2016 SEABA
CEBU, Philippines - Nabira sa Gilas cadet ang ilang ikatulong sunod-sunod nga daog dihang ila sab nga gilat-an ang Indonesia, 83-52 sa 2016 SEABA Cup sa miaging gabii didto sa Bangkok, Thailand.
Ang mga sinaligan sa Far Eastern University nga sila si Mike Tolomia ug Cebuano RR Pogoy miiskor og 12 puntos matag usa aron pangulohan ang Gilas cadet nga nag-una na karon sa standing sa ilang 3-0 record.
Si Kevin Ferrer mitapos og 10 puntos, samtang ang team captain ug PBA rookie nga si Troy Rosario mirehistro og siyam ka puntos ug siyam ka assists.
Ang Gilas milabaw og 30 puntos sa katapusang 7:12 sa duwa, 75-45.
Sunod nga sangkaon sa Gilas cadet ang host Thailand alang sa katapusan nilang duwa sa elimination karong adlawa. Ang Gilas segurado na sa kampiyonato ning maong torneyo. (BANAT NEWS)
- Latest