Rose Pharmacy Open chessfest banatan na

CEBU, Philippines - Ang  mga  bag-o  ug ingon man mga beteranong magduduwa og ahedres magtakus na sab  pinaagi  sa Rose Pharmacy Chess Classic Open Tournament nga mosikad karong alas- 9:30 sa buntag diha sa Cebu School of Chess sa may dalan P. del Rosario, dakbayan sa Sugbo.

Ang maong 7-round Swiss system competition migahin og kapin sa P10,000 nga ganting salapi ngadto sa mga mananaog. Ang makampiyon modawat og P5,000, samtang ang mopahiluna sa ikaduha ug ikatulong dapit mobulsa og P3,000 ug P1,000. Dili sab magmahay ang malandig sa ikaupat hangtod sa ika-10 nga puwesto gumikan kay  duna  may tag P300 nga gitagana alang kanila. Samtang ang top two kiddies ug lady players mobulsa og P700 ug P300.

Mopadagan sa maong usa ka adlaw nga torneyo mao si FIDE Arbiter Marvin Y.  (BANAT NEWS)