Wa’y pildeng Sanman fighters mosalida na
MAKATI CITY, Philippines – Ang duha ka wa’y pildeng kampiyon nga sila si Mike ‘Magic’ Plania sa General Santos City ug ang Dabawenyong si John Vincent ‘Mulawin’ Moralde mosalida sa makasaysayanong
event sa Sanman Promotions sa kaulohan nga gibansagan og “Brawl at the Mall: Undefeated” nga mahitabo karong gabii dinhi sa Makati Cinema Square.
Sa gubat tali sa duha ka wa’y pildeng boksidor, si Plania (9-0, 4KOs) sa Sanman Boxing Club makigsangka ni Lorence Rosas (5-0-2, 2KOs)
sa Samar sud sa 10 ka hugna alang sa bakanteng WBF International bantamweight title.
Samtang ang stablemate ni Plania nga si Moralde (15-0, 7KOs), ang kasamtangang WBF International featherweight champion, makigsinukmagay ni Jimmy ‘Xcon Tirador’ Aducal (8-5-2, 6KOs) nga lumad sab gikan sa Samar sa usa ka non-title match.
Gipasalig ni
Plania nga mohimo
siya og impresiyon sa giisip niyang labing daku nga hagit sa iyang karera aron dili madiskaril
ang maanindot nga plano alang kaniya nga gihulma sa iyang manedyer nga si Jim Claude ‘JC’ Manangquil.
Sa iyang bahin, si Moralde misaad nga
dili siya mokompiyansa kay sayod siya kun unsa ka-importante
kining awaya bisan
tuod og walay titulo nga nakataya sa 10 ka hugna nilang bugno ni Aducal.
“Ang akong career maoy nakataya aning awaya mao nang buhaton gyud nako tanan kutob sa maabot sa akong abilidad
nga makakuha ko
og impresibong kadaugan,” pasalig pa ni Moralde. (BANAT NEWS)
- Latest