2016 Cansaga Kickboxing banatan na karong gabii
CEBU, Philippines - Ang Barangay Cansaga Fiesta Celebration sa Consolacion sa pakig-tambayayong sa Visayas Full Contact Martial Arts Federation, mopasiugda og 2016 Cansaga Kickboxing Summer Superfights karong alas-7:30 sa gabii didto sa Cansaga boxing open arena atubangan sa Orosia Food Park sa Consolacion, Cebu.
Mangapil sa maong duel challenge mao ang mga banggiitang fighters gikan sa Tigers Hall, Yaw-Yan, Arcomjukai, Muay Thai Full Contact Karate ug uban pa.
Dose ka paresan ang moduwa sa maong kompetisyon. Mopasundayag sab ang Cebu’s top radio ug tv personalities sa ‘Kadaugan sa Mactan.
Giorganisar ni Master Dann B. Diaz sa abag ni Brgy. Capt. Peter Cabillada, ang kompetisyon usa sab ka fund-raising event
alang sa Consolacion urban ug mountain barangays ug ingon man pagsumpo sa drug addiction. (BANAT NEWS)
- Latest
