Mga Sugbuanon mobanat na sa Nestea beach volley

CEBU, Philippines - Mangahas na sab ang pambato sa Sugbo nga modominar sa ilang pagsalmot sa 2016 Nestea Beach Volley Championships nga mosikad karong adlawa didto sa Boracay island.  

Mobalik ang University of Southern Philippines Foundation aron modepensa sa ilang titulo sa men’s division uban sa Southwestern University ug University of  San Jose-Recoletos.

Ning higayona, ang USPF mopadala og bag-ong line-up nga gilangkuban nilang Left John Tormis ug Jason Reyes gumikan kay gradwado na man silang Edmar Bonono ug Edward Ybañez.

Samtang ang SWU ug USJ-R dunay entrante sa men ug women’s category.

Morepresentar sa SWU mao sila si CESAFI MVP Alden Dave Cabaron ug Rommel Pepito sa men’s ug sila si Therese Rae Ramas ug Floremel Rodriguez nga naka-bronze medal sa miaging tuig sa women’s bracket.

Sa habig sa USJ-R, mangu sa ilang kampanya mao sila si PRISAA National Games champion Kent Jay Verbosidad ug Alastair Gairanod ug ingon man silang Paula Maninang ug Jessa ‘Sangkay’ Orquia sa women’s class. (BANAT NEWS)