Bradley mibakante sa WBO title
CEBU, Philippines - Ang ikatulong sangka nilang Manny Pacquiao ug Timothy Bradley karong Abril dili na usa ka title fight.
Kini human boluntaryong gibakantihan ni Bradley ang iyang trono isip WBO welterweight champion.
Sa iyang sulat ngadto ni WBO President Paco Valcarcel niadtong Pebrero 4, si Bradley mipasabot nga gihimo niya ang maong lakang gumikan kay dili man siya makatuman sa iyang obligasyon isip WBO champion.
Si Bradley gikatakda untang modepensa sa iyang korona batok ni mandatory challenger Sadam Ali, apan kay dili man kini niya mahimo human gidawat ang hagit ni Pacquiao, nakahukom siya nga bakantihan na lang ang iyang bakus.
Sa iyang bahin, si Valcarcel midayeg og maayo sa pagka-propesyonal ni Bradley ug ila kining gipanghinautan og kamaayohan sa umaabot niining pakighamag ni Pacquiao karong Abril 9 didto sa MGM Grand sa Las Vegas. (BANAT NEWS)
- Latest
