Angel Mary Pawnshop, 3-0 na
CEBU, Philippines - Mikulit sa ilang ikatulong sagunson nga daog ang Angel Mary Pawnshop human sa ilang pagpilde sa D&L Tailoring, 104-99 atol sa sangka sa wala’y pildeng koponan niadtong Huwebes sa 8th F. Llamas Youth Association (FYA) didto sa sitio Manggahan open court sa Barangay Punta Princesa, dakbayan sa Sugbo.
Si Ishot Regudo maoy nangu sa Angel Mary Pawnshop human siya moposa og 21 puntos, samtang si team owner McLain Alkuino midugang og 18 puntos. Laing upat ka players sa Angel Mary Pawnshop ang mihimo sab og double figures.
Silang Dandan Enriquez ug Dexter Caballero parehong mihakot og 19 puntos alang sa D&L Tailoring ug upat sab nila ka teammates ang midugang og double digits.
Sa laing duwa, ang Car Door Aircon nakaipsot batok sa Help Group Foundation, 113-111.
Si Ranel Patalita maoy nangu sa Car Door Aircon sa iyang game-high 32 puntos, si James Montiadora mihimo’g 23 puntos ug si Baeng Medalle miabuno og 16 puntos.
Ang Help Group Foundation gipangulohan ni Dondon Cadungog, kinsa miburak og 24 puntos, gisundan nilang Jade Ursal ug Junrey Arregolo sa ilang 16 ug 15 puntos.
Puntos matag usa
Unang duwa:
Angel Mary Pawnshop (104) – Regudo 21, Alkuino 18, Ramirez 13, Encarquez 12, Tabar 12, Abella 10, Rara 8, Villaver 8, Serentas 2.
D & L Tailoring ( 99 ) –Enriquez 19, Caballero 19, Lastomen 15, Malicay 12, Encarguez 10, Barro 10, Sarsaba 5, Parba-4. Trangia 3, Martinez 2.
Ikaduhang duwa:
Car Door Aircon (113) –Patalita 32, Montiadora 23. Medalle 16, Billones 13, Mirasol 10, Dagohoy 7, Ronquillo 7, Duran 5.
Help Group Foundation (111 ) – Cadungog 24, Ursal 16, Arreglo 15, Laborte 14. Marata 12, Rupal 10, Dacayana 7, Abella 6, Garcia 4, Samson 3. (BANAT NEWS)
- Latest