Mortaflex daog dayon
CEBU, Philippines - Gisubhan og daog sa Mortaflex ang pagdepensa nila sa ilang korona apan nag-agi usa sila og overtime sa wala pa modaog batok sa Bio-Fresh, 61-50 pagsugod sa Architects+Engineers Basketball Association’s 2nd Davies Paints Cup niadtong Sabado didto sa USC gym.
Human magtabla sa regulasyon, 43-43, ang Mortaflex mibubo sa nahibilin nilang kusog aron pagbihag sa Bio-Fresh pinaagi sa 18-7 rally sa overtime. Sila si Ed Macasling, Jonas Panerio ug Nathaneil Benedicto maoy mituboy sa kadaugan sa Mortaflex nga nakumboya’g 41 puntos. Si Ayi Armenion dunay 16 puntos sa pilderong Bio-Fresh.
Sa laing mga duwa, si Dinsquared Tiro mikadlit og 30 puntos sa 75-63 nga kadaugan sa Sun & Rain batok sa Elastogel Extreme, 75-63, samtang ang Megacryl500 nimasaker sa Mondo Skimcoat, 83-44. (BANAT PALARO)
- Latest