Young Bloods mas hanginan pa sa Unlimited Breath

CEBU, Philippines - Gisubhan dayon og daog ang Young Bloods kinsa wala kabsi og hangin batok sa Unlimited Breath sa 45-above division aron makaipsot sa iskor, 55-53 sa opening game sa Compostela Hardcourt Club (CHC)  Anniversary League didto sa Compostela gym.

Nagtabla pa unta ang iskor sa 53-all sa kataposang segundos apan nailog ni CHC secretary Percival "Boom" Porlas ang bola ug nakaiskor og lay-up atol sa paghuni sa final buzzer aron mahimong bayani sa Young Bloods. Ang winning basket mao lang ang puntos ni Porlas sa maong duwa. 

Bugtong si Binoy Cohitmingao lang ang player sa Young Bloods nga nakahimo'g double figures sa iyang 11 puntos, samtang ang laing opisyal sa CHC nga si Harry Entanto igo lang miamot og sayis puntos.

Mas balanse sab ang opensa sa Young Bloods kung itandi sa Unlimited Breath bisan pa sa ilang tulo ka players nga mihimo'g double figures.

Sila si Jorge Labuen ug Rowen Tudio parehong may 12 puntos matag usa alang sa Unlimited Breath samtang 10 puntos si Lloyd Duyogan.

Ang presidente sa CHC nga si Rey Gala igo lang miamot og tres puntos alang sa Unlimited Breath.

Sa laing duwa, midaog ang Black Tiger Cop batok sa Secondary Education sa iskor, 63-55 ubos sa 44-below division.

Sila si Glen Rosal ug Rans Mejias maoy nangu sa  Black Tiger sa ilang 20 ug 18 puntos matag usa samtang si Cyrete   Quinio mihimo'g 15 puntos ug  maimot si Delfin Lebrero og 11 puntos alang sa Secondary Education.

Sa ikatulo ug kataposang duwa kagahapon, maayong pagka-bulls-eye sa Sniper Hotshots ang Firefighters human kini nila ilubong og 37 puntos sa iskor, 82-45.

Si Jade Lawas maoy nangu sa Sniper Hotshots sa iyang 24 puntos ug midugang si Jimnoy Oposa og 22 puntos ug parehong may 11 puntos matag usa silang Jeff Morales ug Ronald Amor.   

Ang Firefighters gipangulohan ni Hans Tumulka kinsa miposa og 17 puntos.   

Puntos matag usa:

First Game:

Young Bloods (55) – Cohitmingao 11, Amor 8, Lucero 6, Vergara 6, Calo 6, Entanto 6, Longakit 4, Porlas 2, Panganiban 2, Callano 2, Taneo 2

Unlimited Breath (53) – Labuen 12, Tudio 12, Duyogan 10, Garcia 6, Tejero 4,  Gala 3, Castro 3, Son 2

Second Game:

Black Tiger (63) – Rosal 20, Mejias 18, Marolina 9, Berdida 6, Respecio 6, Edejer 4

Secondary Education (55) – Quinio 15, Lebrero 11, Morre 6, Singahan 6, M. Lebrero 5, Cabanes 5,  Garciano 4, Daglag 1.

Third Game:

Snipers (82) –  Lawas 24, Oposa 22, Morales 11, Amor 11, Brioso 8, Espante 6

Firefighters (45) –  Tumulak 17, Batulan  9, Viloria 7, Ochea 5, Abarca 4, Wong 2, Gaviola 1 (BANAT PALARO)