Pondoyo, Polan nanghawod sa McDo chessfest
CEBU, Philippines - Sila si Chris Aldritz Pondoyo ug Reishi Boy Polan maoy nanghawod sa January monthly finals sa 1st McDonald's Jones Cup Chess Championships niadtong Domingo didto sa McDo-Jones branch.
Gipilde ni Pondoyo si Vic Glysen Derotas sa katapusang hugna aron pagsakmit sa 14-17 age group title bitbit ang labing taas nga 6.0 puntos.
Miduyog kaniya ngadto sa grand finals karong Disyembre sila si Adrian Basil Basilgo, Jeffu Dorog, Derotas ug Laila Camel Nadera nga parehong mitali og 4.0 puntos.
Sa 13-under category, si Polan maoy naghari human miposte og 4.0 puntos. Mimartsa siya ngadto sa 'Battle of Champs' uban nilang Raniel Jay Perandos, Jave Mareck Peteros, John Lester Belano ug Angel Naureen Bagano.
Sila si Naureen Bagano ug Glysen Derotas gihatagan og special awards isip top female finishers.
Gawas sa mga tropeyo, ang mga mananaog nakadawat sab og ganting salapi ug gift certificates kortesiya sa McDo-Jones pinaagi sa branch manager niining si Benjamin Picson. Ang mga duwa gipadagan ni FIDE Arbiter Felix Poloyapoy, Jr. (BANAT PALARO)
- Latest