Kobe moretiro na gyud

CEBU, Philippines - Human sa labing menos 20 ka tuig sa iyang career uban sa Los Angeles Lakers diin midaog siya’g lima ka NBA titles,  mipahibalo na si Kobe Bryant kagahapon nga moretiro na siya inig human niini nga season.

“This season is all I have left to give,” sumala pa ni Kobe sa Players’ Tribune website.

“Sport of basketball gave a six-year-old boy his Laker dream and I’ll always love you for it. But I can’t love you obsessively for much longer. This season is all I have left to give. My heart can take the pounding. My mind can handle the grind but my body knows it's time to say goodbye.”

Ang hukom ni Bryant dili kaayo makapakurat tungod kay iya na kining gisulti  sa makadaghan niining pipila ka semana nga milabay nga naglaraw na siyang moretiro ug ang kasamtangan nga season mao na ang iyang katapusan sa pagduwa. 

Human sa duha ka dekada diin nakaangkon siya’g duha ka Olympic gold medals, lima ka championship rings, 17  ka All-Star selections ug 81-point game sa iyang career nga maoy ikaduhang labing daku nga iskor sa NBA history ug kapin sa  32,000 puntos, nagkaluya na ang  career  ni Bryant.

“With 17 NBA All-Star selections, an NBA MVP, five NBA championships with the Lakers, two Olympic gold medals and a relentless work ethic, Kobe Bryant is one of the greatest players in the history of our game. Whether competing in the Finals or hoisting jump shots after midnight in an empty gym, Kobe has an unconditional love for the game. I join Kobe’s millions of fans around the world in congratulating him on an outstanding NBA career and thank him for so many thrilling memories”, sumala pa ni NBA commissioner Adam Silver.

Nakita nga naglisud na gyud sa iyang mga duwa si Bryant, kansang mga kauban nga batan-on nahimutang karon sa kinaubsan sa Western Conference sa standings. Nakasinati siya sa iyang career-worst 31.5 percent nga field goal shooting.  Sa miaging duha ka seasons, si Bryant igo lang nakaduwa og 41 ka higayon sud sa posible untang 164 ka duwa.

Mitidlom sab pag-ayo ang iyang field goal percentage ug ang 3-point percentage nga pulos maoy labing ubos sa mga inilang players sa NBA.

Apan bisan pa kun  nagsangkiig si Bryant, si Lakers coach Byron Scott miingon nga dili niya bangkuon ang  17-time All-Star tungod lang kay bati ang iyang duwa.

Ang Lakers duna na la’y nahabiling 66 ka duwa  karon nga season ug ma-igo na lang kining mga duwa nga usa ka “adoration tour” alang kang Kobe, kinsa nakadawat na og taas nga ‘standing ovations’ gikan sa mga norman nga  hostile fans sa ilang road trios didto sa New York ug sa Miami.

Ang sunod kontra sa Lakers sa ilang road game mao ang Philadelphia Sixers nga maoy hometown ni Bryant, kinsa naa na sa iyang katapusang tuig sa  duha ka tuig niyang kontrata nga naghatag kaniya’g  $25 million  alang sa 2015-2016 season nga naghimo kaniya isip NBA’s highest-paid player karon nga season.  (BANAT PALARO)