Cagers, shooting stars daog dayon sa Cebu People’s Coop Caging

CEBU, Philippines - Miiskor og 31 puntos si Ruel Evalaroza aron baswaton ang Gold Yellow Cagers ngadto sa 54-53 nga kadaugan sa overtime batok sa Green Warriors sa pagbukas sa 2015 Cebu People’s Coop basketball tournament didto sa San Nicholas Parish gym.

Ang giilang ‘Triggerman’ nga si Evalaroza mipauwan og mga tres ug siya usab ang mihimo sa winning free-throws atol sa overtime aron maangkon ang uno punto nga kadaugan.

Sa second game, ang Violet Shooting Stars mipilde sa Blue Eagles, 44-36 sa paningkamot nila ni Raymond Dela Cruz ug Dennis Sambilad nga nagkumboya’g 23 puntos. (BANAT PALARO)