Baby Panthers mitangag og daog
CEBU, Philippines – Pulos mibahog og double figures silang Ain Obenza, George Cometa ug Allen Dave Peligrino aron pangulohan ang University of Southern Philippines Foundation Baby Panthers ngadto sa 77-56 nga kadaugan batok sa Cebu Institute of Technology-University Wildkittens sa 15th Cebu Schools Athletic Foundation, Inc. (CESAFI) kagahapon didto sa Cebu Coliseum.
Si Obenza maoy napiling best player human siya moposa og 18 puntos, siyam ka rebounds, upat ka steals ug usa ka assists, samtang si Cometa miamot og 13 puntos ug si Peligrino adunay 11 puntos.
Ang Baby Panthers nagkaduol nang molanding sa Top Four sa ilang 4-3 nga baraha, samtang ang Wildkittens adunay 3-5 record.
Gidominar sa Baby Panthers ang duwa gikan sa pagsugod hangtod nahuman. Milabaw sila og 23 puntos sa tulo ka higayon.
Wala makapakita sa labing maayo niyang duwa si Jasper Berezo tungod sa iyang piang nga iyang naangkon atol sa ilang sangka batok sa University of San Carlos Baby Warriors.
Si Berezo igo lang miiskor og 11 puntos, samtang silang Marion Abinuman ug Ivan Dave Ares mitampo’g 10 puntos matag usa alang sa Wildkittens.
Puntos matag usa
USPF (77) – Obenza 18, Cometa 13, Peligrino 11, Hernando 9, Archival 7, Soon 6, Sandoval 4, Lequin 4, Macalam 3, Ybañez 2.
CIT-U (56) – Berezo 11, Ares 10, Abinuman 10, Colonia 8, Villarico 5, Patrimonio 3, Marata 3, Suson 2, Hapin 2, Nisnisan 1. (BANAT NEWS)
- Latest
