Gilas line-up hisayran karon
CEBU, Philippines – Nganlan na karon sa coaching staff sa Gilas Pilipinas ang opisyal nga line-up sa Gilas Pilipinas nga musalmot sa duha ka buwan nga training isip pangandam sa 2015 FIBA Asia Championship didto sa China sa Septiyembre.
Ang FIBA Asia Championship maoy qualifying tournament diin ang mga mudaog makakuhag luna sa 2016 Rio Olympics didto sa Brazil.
Si Gilas team manager Butch Antonio miingon nga moabot sa 16 ngadto sa 20 ka mga players ang malakip sa roster uban na niini si naturalized player ug ex-NBA center Andray Blatche.
“We’ve yet to finalize the list. PBA commissioner Chito Salud is helping out for us to come out with the best team possible,” matud pa ni Antonio sa The Philippine STAR.
Giklaro hinuon ni Antonio nga wala pa nila hingpit gitak-opan ang ilang pultahan alang sa posibleng pagduwa ni Junemar Fajardo kinsa wala'y segurado tungod sa injury niini sa tiil.
Ang Gilas mihimo na og mga pasiunang ensayo didto sa Meralco gym ug lakip sa mga pangan nga mitambong mao sila si Ranidel de Ocampo, Jayson Castro, Gary David, Sonny Thoss, Dondon Hontiveros, Terrence Romeo, Asi Taulava, Aldrech Ramos, JC Intal, Matt Ganuelas, Gabe Norwood ug Troy Rosario.
Mga mibalibad na nga moduwa sa Gilas mao ang mga karaang sakop nga sila si LA Tenorio, Marc Pingris, Japeth Aguilar ug Marcio Lassiter. (BANAT NEWS)
- Latest
