HLY solo leader sa GAA sa ilang 5-0

CEBU, Philippines – Mikulit sa ilang ikalimang sagunson nga daog ang HLY team ni Atty. Flor Yosores human ilang gimasaker ang Blessel-Tungkil sa iskor, 107-73 samtang parehong midaog ang Perez Trucking ug Team Rama aron magtabla sa ikaduhang pwesto sa Guadalupe Athletic Association (GAA) Above 50 basketball tournament kagahapon didto sa Guadalupe Sports Complex.

Ang HLY mao karo'y solo leader sa ilang 5-0 nga kartada samtang parehong may 4-1 records ang Perez Trucking ug ang Team Rama.

Midaog ang Perez Trucking sa primerong duwa kagahapon batok sa Mactan Harvest, 84-75 samtang gilubong sa Team Rama ang Inayagan, 92-67.

Silang Ramon Ceballos ug Atty. Yosores maoy nangu sa HLY sa ilang 16 ug 15 puntos matag usa. Ang Blessel-Tungkil gipangulohan ni Danny dela Pena sa iyang 20 puntos ug midugang si Nilo Dadan og 18 puntos.

Sa sayo pa, mikabkab og 25 puntos si Opong Zafra alang sa Perez Trucking samtang sa kataposang duwa kagahapon sa buntag, si Freddie del Campo maoy nangu sa Team Rama sa iyang 16 puntos samtang may 21 puntos si Tony Taran kinsa maoy nangu sa Inayagan.

Ning pagsuwat sa alas dos sa hapon, aduna pa'y laing tulo ka paresan ang nagduwa didto sa Guadalupe Sports Complex.

Puntos matag usa:

First Game:

Perez Trucking (84) – Zafra 25, Rosito 15, Belande 12, Lim 8, Campos 7, Abbu 6, Pesquera 6, Dejacto 3, Ebona 2.

Mactan Harvest (75) – Cenabre 24, Dela Cruz 11, Ancot 9, Gayoso 8, Escuyos 7, Romeo 6, Ybanez 5, Caburnay 4.

Second Game:

HLY (107) – Ceballos 16, F. Yosores 15, Espinosa 12, Arias 12, Cabrera 10, Bascon 9, Yu 8, S. Yosores 7, Ebrado 6, Dela Pena 6, Lastimosa 4, Mosqueda 2.

Blessel-Tungkil (73) – Dela Pena 20, Dandan 18, Canete 10, Camota 7, Yares 6, Booc 4, Comendador 4, Gara 2, Ocampo 2.

Third Game:  

Team Rama (92) – Del Campo 16, Diaz 15, Mabalcon 13, Fuentes 12, Misa 10, Nomio 10, R. Rama 4, Lim 4.

Inayagan (67) – Taran 21, Lalican 16, Nebria 10, Filosopo 9, Fuentes 7, Plarizan 2, Ozon 2. (BANAT NEWS)