Registration sa yaw-yan summer clinic sugdan karon
CEBU, Philippines – Sugdan na karong adlawa ang registration alang sa tinuig nga Yaw-Yan ArDigma Martial Arts Federation Inc. summer clinic diha sa Yaw-Yan Headquarters sa 4th floor sa Coast Pacific Downtown Center sa dalan Sanciangko.
Ang first batch sa maong summer clinic sugdan sa Abril 6.
Gawas sa Yaw-Yan ArDigma system, ang summer clinic motanyag usab og arnis lessons, boxing fitness ug Yaw-Yan self-defense.
Gikan sa pulong nga “Sayaw ng Kamatayan” (Dance of Death), ang Yaw-Yan naila isip usa sa mga orihinal nga Filipino martial arts nga gimugna ni Grand Master Napoleon ‘Nap’ A. Fernandez niadtong 1972.
Ang Yaw-Yan ArDigma usa ka all-out martial arts nga mogamit sa lawas isip hinagiban ug motudlo sa mga tinun-an og saktong paagi sa sukmag, patid, siko, tuhod ug ground fighting isip self-defense.
Alang sa dugang mga impormasyon, mahimong motawag sa 09433084772 o bisita sa ilang official website: www.yaw-yanardigma.com. (BANAT NEWS)
- Latest
