D&L solo leader karon sa FYA cagefest
CEBU, Philippines – Sayong liderato ang gihuptan karon sa D&L team human ilang gipakuratan ang Nomadz, 87-76 niadtong Domingo sa 8th season sa F. Llamas Youth Association (FYA) basketball tournament didto sa sitio Manggahan sa barangay Punta Princesa.
Sa laing duwa, ang Angel Car Door midaog sab batok sa Simple Likes, 126-103 sa usa ka high-scoring ballgame.
Si Ariel Mayol maoy nangu sa D&L, kinsa aduna karo’y 2-0 nga kartada samtang si Epi Sabalande miamot og 10 puntos.
Silang Dondon Cadungog ug Archie Rupal maoy nangu sa 1-1 nga Nomadz.
Sa sayo pa, si Ranel Patalita miburak og 26 puntos aron pangulohan ang Angel Car Door, kinsa naghupot sab og 1-1 record.
Ang Simple Likes gipangulohan ni USC Warriors coach Britt Reroma pinaagi sa iyang 34 puntos. Si Noel Nedalle miamot og 20 puntos.
Puntos Matag Usa
Unang duwa:
Angel Car Door (126) – Patalita 26, Cadungog 19, Sydiongco 8, Billones 7, Diaz 6, Cabulao 6, Carzano 6.
Simple Likes (103) – Reroma 34, Medalle 20, Canceko 14, Cueme 11, Gambe 10, Abella 8, Abendan 7, Rabe 6.
Ikaduhang duwa:
D&L (87) – Mayol 37, Sabalande 10, Enriquez 8, Malicay 7, Barro 7, Parba 6, Lastomen 5.
Nomadz (76) – D. Cadungog 19, Rupal 13, Abella 6, Ursal 6, Dela Pena 6, Marata 5, Cabanes 5. Laborte 2, Dacayana 2. (BANAT NEWS)
- Latest
