Chowking Mango milangkat korona sa 1st Conference AS-ES B.A.R. tourney
CEBU, Philippines - Dili matukib ang gibati nga kalipay sa team manager sa Chowking Mango nga si Miguel Balbuena ug ingon man ni coach Titi ‘Titsvel’ Veloso dihang gilangkat sa ilang koponan ang kampiyonato sa 1st Conference As-Es B.A.R. basketball tournament.
Ang Chowking Mango mipilde sa mas lig-on nga Ramos Gems, 86-77 sa finals niadtong Pebrero 22 diha sa Benjamin Solon Memorial Gym sa barangay Cogon Ramos, ning siyudad.
SiAndrew ‘Titing’ Biton, ang no. 1 councilor sa Lahug mipabuhagay sa iyang kinatibuk-ang 15 puntos aron pangulohan ang kadaugan. Ang kanhi CAAA MVP Gerald Ylaya ug si kanhi USC ‘crush ng bayan’ Jovan Antido mitikdol og 11 puntos matag usa.
Sikit unta kaayo ang aksiyon sa unang-duha ka kuwarter diin nagtabla ang iskor, 42-all sa halftime, apan ang Chowking Mango misirit sa uwahing bahin sa third quarter diin mipabuto sila’g 25-16 run nga naghatag kanila og dakung bentaha sa iskor nga 67-58.
Nangulo sa pilderong Ramos Gems mao si Julius Gastador nga mikubkob og 14 puntos, si Donald Yap mitampo’g 13 puntos, samtang si Ivan Sabal miamot og 10 puntos.
puntos matag usa
CHOWKING MANGO (86) – Biton 15, Ylaya 11, Antido 11, Tan 6, Tambolero 6, Dela Calzada 6, Miano 5, Abarientos 5, Borres 4, Arellano 4, Torres 3, Bontuyan 3, Cabantog 2, Regidor 2, Alesna 2.
RAMOS GEMS (77) – Gastador 14, Yap 13, Sabal 10, Bernal 7, Mark 7, Secuya 7, Rodriguez 5, Pardenilla 5, Miñoza 3, Raboy 2, Montilla 2, Abrio 2. (BANAT NEWS)
- Latest
