Cebu City hawod gihapon sa CVIRAA
CEBU, Philippines – Naghawod gihapon ang Cebu City Niños sa 2015 Central Visayas Regional Athletic Association (CVIRAA) Meet nga natapos kagahapon didto sa E.S. Binghay Memorial Sports Complex sa Balamban.
Ang Cebu Niños nakadaginot pa gyud og duha ka bulawan pinaagi sa basketball ug sa elementary football kagahapon.
Sud sa pipila ka higayon, ang Cebu Niños nagpabiling overall champion ning tinuig nga sports conclave nga mihakot og 115- gold, 93-silver ug 63-bronze medals. Nagsunod ang Mandaue City nga adunay 57-36-39 gold-silver-bronze medals, samtang ang Cebu Province mipahiluna sa ikatulo sa ilang 33-44-57 medal tally.
Kasagarang bulawan nga nakuha sa Niños gikan sa secondary nga adunay 84 gold, 59 silver ug 34 bronze medals. (BANAT NEWS)
- Latest