Kontra ni Nietes giilisan

CEBU, Philippines - Maghimo og laing fight plan ang kampo ni reigning WBO light flyweight champion Donnie ‘Ahas’ Nietes (34-1, 20KOs) sa iyang pakigsangka sa bag-o niyang kontra nga si Mexican Gilberto ‘Parrita’ Parra (19-1, 17KOs) sa main event sa Pinoy Pride 30 sa Marso 28 didto sa Mall of Asia Arena sa Pasay City.
Si Nietes gikatakda  untang makigharong ni Luis ‘Gallo’ Ceja (26-5, 21KOs), apan gisupak kini sa  WBO ug mimando ni Nietes nga modepensa sa bakus batok ni mandatory challenger Franciso Rodriguez.
Ang ALA Promotions miuyon sa mandatory title defense alang ni Nietes, apan ang kampo ni Rodriguez mibalibad tungod kay dili pa andam ang ilang boksidor nga moaway sa Marso 28.
“We got a mandatory fight against Rodriguez from the WBO but Rodriguez is not available for March 28,”  matud pa ni ALA Promotions President and CEO Michael Aldeguer. “Zanfer gave us Parra to fight Nietes and if Donnie wins then he would expect a showdown against Rodriguez in July.”
“We still haven’t signed the contract yet but it is already sure that Donnie will defend his title against Parra.”
Bisan pa og usa ra siya ka replacement, si Aldeguer nagtuo nga lisud gihapon nga kontra si Parra tungod kay usa kini ka knockout puncher sama ni Ceja. (BANAT NEWS)