Bagahi ni Douthit
CEBU, Philippines - Magpas-an og bug-at nga bagahi si Pilipinas naturalized center Marcus Douthit tungod kay gilauman siya nga mohatag sa Blackwater Elite sa labing unang daog sa PBA.
Si Douthit nga maoy import sa Blackwater makigsangka sa Talk N’ Text Tropang Texters karong alas-3 sa hapon didto sa Binan, Laguna.
Human sa ilang 0-11 nga record sa All-Filipino Cup, ang Blackwater napilde na sab sa opener sa PBA Commissioner’s Cup batok sa Barako Bull Energy Cola. Sa maong duwa, ang Elite miduwa nga wala ilang import nga si Chris Charles tungod sa injury hinungdan nga ilang gikuha si Douthit. Kini ang ikaduhang higayon nga nahimong import si Douthit sa PBA team, una niadtong tuig 2012 uban sa Air21 Express.
Sa main game, ang Barangay Ginebra San Miguel tinguhang mobangon gikan sa ilang kapildihan dihang ilang harungon ang Barako Bull sa alas-5 sa hapon. (BANAT NEWS)
- Latest
