FIBA mihimo’g ocular inspection sa SM Seaside

CEBU, Philippines - Gipahigayon kagahapon sa buntag  ang usa ka ocular inspection ug site visit sa dakung luna sa SM Seaside City-SRP diin adto tukoron ang "The Arena" nga posibleng maoy himuong binyu sa FIBA World Cup 2019.
  Usa ka team sa FIBA World Committee ang milibot sa upat ka hektarya  nga luna diin mahimutang ang 25,000 square meters nga basketball court.
Hinuon, wala pay  kasiguroan kun pasado ba ang Sugbo nga mo-host sa FIBA World Cup tungod kay nagdumili sa pagpa-interview ang mga FIBA World officials.
  Matud pa sa usa ka local official, kinsa escort sa mga langyaw nga taga-FIBA nga dili mahimong mangutana kalabot sa hosting.
  Ang mga FIBA officials igo lang gipakita sa manager sa SM sa sketch plan ug design sa basketball court, apan walay bisan usa kanila nga miluwat og kumentaryo. (BANAT NEWS)