Lupog pa sa lapok
Nagkasamot og kalubog ang ‘dream match’ tali nila ni Manny ‘Pacman’ Pacquiao ug Floyd ‘Pretty Boy’ Mayweather Jr. nga maoy gipangayo sa boxing fans.
Ang maong ‘megabuck fight’ mohakot g’yud og milyones nga kita dili lang sa duha ka boksidor kun dili maghatag usab kini og dugang excitement sa nagkalaos na nga boxing industry karon.
Kinsa pa man gu’y mga boksidor karon nga makamugna og grabeng kanaas matag higayon nga duna sila’y sangka? Sila lang g’yud duha si Pacquiao ug Mayweather.
Apan ang kanaas wala makapalagsik sa boxing industry tungod kay duna na may laing gikahiligan ang mahiligon og combat sports, ang mixed-martial arts.
Kun magsangka ang duha, motuo ko nga bisan kadtong dili mahiligon og boksing maengganyo
g’yud sa pagtan-aw. Mas nindot pa g’yud kun mahimo kining ‘trilogy.’
Apan klaro kaayong dili gusto ni Mayweather nga sangkaon si Pacquiao. Gihimo na sa kampo ni Pacquiao ang tanan aron mahinayon kini ug
gihatag ang tanang pabor kaniya, apan dili gihapon siya.
Laing rason nga naglikay si Mayweather tungod sa aslom nilang relasyon ni Bob Arum, ang promoter ni Pacquiao.
Nanumpa man gu’d si Mayweather nga bisan magkinaunsa dili na g’yud siya makig-deal sa kanhi niya promoter, natagam na siya.
Daghan kaayong rason nga mahimo si Mayweather aron malikayan si Pacquiao. Busa sorry na lang nato nga gustong mahinayon ang maong sangka.
Way kuwestiyon ang katakus sa duha kay makita man kini sa ilang mga rekord. Apan ang matag usa kanato duna may pilion.
Gawas lang sa kampo ni Mayweather ug iyang mga fans.
Daghan nang mga eksperto sa boksing ang miingon nga dunay tsansa si Pacquiao nga mabulingan ang rekord ni Mayweather.
Si Pacquiao dunay abilidad nga wala sa uban. Kun sa tan-aw sa uban kaya siyang pildihon ni Mayweather, dili ko mosupak kanila.
Apan kun sa ako lang, mas mosalig ko nga modaog si Pacquiao pinaagi sa ‘unanimous decision’ batok ni Mayweather tungod sa volume punches nga mahimo sa Pinoy itandi sa Amerikano.
Counterpuncher si Mayweather, apan dili ko motuo nga magpatara lang sab si Pacquiao, ilabi na nga naleksyon na kini sa katapusan nilang panag-abot ni Juan Manuel Marquez.
* * *
PAGTULON-AN: “Whatever the way, the master of strategy does not appear fast…. Of course, slowness is bad. Really skillful people never get out of time, and are always deliberate, and never appear busy.” ?
-- Miyamoto Musashi
- Latest
