Fajardo pit-on sa texters
CEBU, Philippines - Gipaabot nga hamukon sa depensa sa Talk ‘N Text Tropang Texters ang reigning MVP nga si Junemar Fajardo sa San Miguel Beer sa Game-1 sa ilang ‘best-of-seven’ semifinals series karong gabii didto sa Mall of Asia Arena.
Ang Texters milampos pagpalagpot sa crowd-darling nga Barangay Ginebra San Miguel sa knockout quarterfinals.
Nagtuo ang Texters nga si Fajardo maoy motimon sa opensa ug depensa sa San Miguel hinungdan nga buhatan nila og paagi aron mapugngan ang Cebuano center sa pagdominar sud sa korte.
Naglaum si Texters star player Jayson Castro nga mosalir ang ilang game plan tungod kay mao kini ang yawi sa ilang kadaugan atol sa elimination diin nalupig nila ang Beermen, 107-101.
“Last game namin sa kanila, maganda kasi na-stop namin si June Mar. Yun yung similarity nila with Ginebra kasi may big guys sila,” matud pa niya sa PBA.com.
Gawas ni Fajardo, dili usab kakompiyansaan sila si Arwind Santos, Chris Ross ug ang bag-ong mibalik nga si Alex Cabagnot. (BANAT PALARO)
- Latest
