Automatic semis tuyo sa Aces, Beermen
CEBU, Philippines - Tuyo karon sa Alaska Aces ug San Miguel Beermen nga makuha ang automatic slot sa semifinals sa 2014 PBA Philippine Cup.
Ang Alaska ug San Miguel nga nahimutang sa una ug ikaduhang dapit sa standing nga pulos adunay 7-1 win-loss records, kinahanglan nga modaog karon sa ilang tagsa-tagsa ka duwa alang sa automatic semis berth.
Ang Alaska mo-harong sa NLEX Road Warriors sa pasiunang duwa nga gitakda sa alas-4 sa hapon, samtang ang Beermen makigtagay sa Meralco Bolts sa alas-7 sa gabii didto sa Smart Araneta Coliseum.
Gawas nga ma-kandado na ilang koponan sa semis, ang top two seed mohatag usab sa Aces ug Beermen og twice-to-beat advantage nga daku’g matabang alang sa ilang damgo nga moabante sa finals.
Ang Alaska ug San Miguel gipaabot nga hatagan og lisud nga duwa sa NLEX ug Meralco, ilabi na nga ang duha ka koponan managinot og daog sa nanghinapos nga bahin sa elimination round aron makakuha og nindot nga pwesto sa quarterfinals. (BANAT PALARO)
- Latest