Power forty, Aulga dormitory miabante semis sa GDBL caging
CEBU, Philippines - Miabante na ngadto sa semifinals ang Power Forty ug ang Aulga Dormitory human sa ilang kadaugan batok sa tagsa-tagsa nilang kaatbang sa nagpadayon nga Golden Dribblers Basketball League (GDBL) basketball tournament niadtong Martes didto sa Inayawan Sports Complex.
Sa pasiunang duwa, ang Power 40 milubong sa Tisa Q Top sa iskor nga 61-49, samtang ang Aulga Dormitory mipilde sa McMill, 69-58.
Ang Power Forty makigharong sa second seed Perez Trucking, samtang ang Aulga Dormitory makigsangka sa way pilde nga HLY Team ni Atty. Flor Yosores sa semifinals karong Domingo. Ang modaog maoy magbagat sa kampiyonato unya sa Disyembre 7.
Sila si Carding Vernaiz, Hermes Abasolo ug Wewe Cabrera parehong mibahog og double figures aron pangulohan ang Power 40.
Bugtong ang ex-USJR point guard nga si Freddie del Campo lang ang miiskor og double figures alang sa Tisa Q Top sa iyang 20 puntos.
Sa laing bahin, si Toto Lawas maoy nangu sa Aulga Dormitory sa iyang 20 puntos, gisundan nilang Dodong Monternel ug Gaga Cabanilla sa ilang 12 ug 11 puntos matag usa.
Ang McMill gipangulohan ni Dodong Elizalde, kinsa mibahog sab og 20 puntos, Edwin Yares miamot og 13 puntos, samtang si Danny dela Peña miabuno’g 12 puntos.
PUNTOS MATAG USA
Unang duwa:
Power 40 (61) – Vernaiz 13, Abasolo 12, Cabrera 11. Lim 5, Eleguin 5, Dumale 4, Labalan 3, Ozon 2, Atillo 2, Cabatas 2.
Tisa Q Top (49) – Del Campo 20, Salepa 8, Caburnay 6, Polancos 6, Lazaga 5, Taneza 4, Masong 3.
Ikaduhang duwa:
Aulga Dormitory (69) – Lawas 20, Monternel 12, Cabanilla 11, Escuyos 8, Fernando 6, Cainglet 6, Francisco 2, Posadas 2, Rama 2.
McMill (58) –Elozalde 20, Yares 13, Dela Peña 12, Angcot 8, Tancio 3, Ong 2, Caburnay 2. (BANAT PALARO)
- Latest
