Cebu teams abante sa finals
CEBU, Philippines – Miabante sa BEST SBP Passerelle Twin Tournament 2014 Visayas Regional Finals ang University of the Visayas ug ang University of San Carlos alang sa Passerelle ug sa SBP division didto sa Roxas City.
Sa Passerelle Division, miabante sa finals ang UV ug ang Hua Siong College of Iloilo human sila morehistro sa ilang ikaduhang daog. Tungod kay pareho silang 2-0 ug pulos sila mudaog batok sa ilang tagsa-tagsa ka karibal, wala na lang duwaa ang ilang non-nearing game nga gikatakda unta kagahapon sa hapon.
Ang UV maoy unang miabante sa Finals human ilang gilubong ang Purisima College, 56-21 samtang midaog ang Hua Siong College batok sa USLS-Bacolod, 43-36.
Sa SBP Division, maoy magbagat sa Finals ang USC batok sa Ateneo de Iloilo.
Parehong midaog ang USC ug ang Ateneo de Iloilo kagahapon sa buntag diin gilubong sa USC ang St. John’s Institute, 53-38 samtang gibado-dabohan sa Ateneo de Iloilo ang Purisima, 74-27.
Ang USC kinsa midaog sab batok sa Ateneo de Iloilo ug milampurnas sa CPC, 72-21, miabante sa Finals bitbit ang 3-0 nga baraha samtang ang Ateneo de Iloilo kinsa midaog batok sa St. John’s Institute, 38-31 adunay 2-1 nga baraha. (BANAT NEWS)
- Latest
