Patyanan ni Pacquiao‘sakpan nang Algieri
CEBU, Philippines - Nasakpan na ni undefeated American Chris Algieri ang patyanan ug buslot sa estilo ni Pinoy boxing icon Manny Pacquiao.
Kini agi’g tubag ni Algieri sa mga pamahayag ni Freddie Roach, ang trainer ni Pacquiao.
Kahinumduman, si Roach mitawag ni Algieri nga usa ka huyang nga boksidor ug walay laing buhaton sa away kun dili ang pagdagan. Apan si Algieri, miingon nga dili angay magdahum ang kampo ni Pacquiao og kadaugan tungod kay nahibaw-an na niya ang lihok ni Pacquiao.
“There are holes in his style. There are certain punches that he is susceptible to. The overhand right from Marquez, counter upper cuts and body punching,” matud pa ni Algieri.
Gisalikway ni Algieri ang mga pagtuo ni Roach nga siya ang magdala’g “boring” nga away tungod kay mahimo siya nga makighilam-osay og kumo ngadto ni Pacquiao.
Matud ni Algieri nga gamiton niya ang iyang height ug footwork aron libugon si Pacquiao. Dugang pa ni Algieri nga dili niya atrasan ang eight-division world champion sa pakigsinukliay og mga kinumo ibabaw sa ring.
- Latest