Aulga Dormitory, CVCCO nagsawo sa liderato sa GAA cagefest

CEBU, Philippines – Parehong mikulit og managlahing kadaugan ang Aulga Dormitory, CVCCO, GAA All-Star ug ang Jaymar Tailoring  niadtong Domingo  sa nagpadayon nga Guadalupe Athletic Association (GAA) didto sa Guadalupe Sports Complex.

Nasakmit sa Aulga Dormitory ug sa CVCCO ang ilang ikatulong sagunson nga daog aron magsawo sa liderato bitbit ang 3-0 nga baraha.

Ang  Aulga Dorm midaog batok sa sitio Langgaman, 84-74, samtang midaog sab ang CVCCO batok sa Cainglet Farms, 97-80.

Sa laing duwa,  ang Jaymar Tailoring midaog sab batok sa McMill, 80-69 ug ang GAA All-Star mipukan batok sa Honey Grace, 94-86. (BANAT NEWS)