Perez trucking hapsay pa gihapon
CEBU, Philippines – Padayon ang paghakot og daog sa Perez Trucking human ilang gipukan ang Mc Mill sa iskor, 111-90 kagahapon sa nagpadayon nga Golden Dribblers Basketball League (GDBL) didto sa Pardo Sports Complex.
Aduna nay 6-0 nga baraha ang Perez Trucking ni team owner Boy Perez aron magsolo sa liderato samtang walay hago ug walay singot nga misakmit sa ilang ikalimang daog ang HLY pinaagi sa forfeiture dihang wala mopatim-aw ang Inayagan.
Sa laing duwa, gilubong sa Power 40 ang Augla Dormitory-GAA sa iskor, 115-83 samtang sa kataposang duwa kagahgapon, gilubong sab sa Tisa ang Punta Princesa sa iskor, 96-67. Sa kasamtangan, bugtong ang Punta Princesa na lang maoy wala pa makatilaw og daog sa walo ka teams.
Si Opong Zafra maong nangu sa Perez Trucking sa iyang 24 puntos ug laing unom ka teammates ang mihagdaw sab og double figures.
Ang 1-4 nga Mc Mill gipangulohan ni Danny dela Pena kinsa miposa og 23 puntos samtang midugang og 18 si Rey Canete.
Sa laing bahin, mipugas og 34 puntos si Wewe Cabrera aron pangulohan ang Poer 40 kinsa aduna nay 3-2 nga baraha. Silang Toto Lawas ug Gaga Cabanilla maoy nangu sa Aulga Dormitory (2-4) sa ilang 24 ug 20 puntos matag usa.
Puntos matag usa:
First Game: Perez Trucking (111)--- Zafra 24, Campos 18, Belande 16, Dejacto 13, Lim 12, Ocanada 12, Pesquera 11, Perez 2.
Mc Mill (90)— Dela Pena 23, Canete 18, Tancio 14, Elizalde 9, Dela Cruz 9, Caburnay 7, Ancot 4, Yares 4, Romeo 2.
Second Game: Power 40 (115)— Cabrera 34, Vernaiz 22, Abasolo 17, Mabalcon 10, Cabatas 8, Dayota 7, Atillo 6, Ozon 6, Labalan 5.
Aulga Dorm (83)— Lawas 24, Cabanilla 20, Francisco 15, Aulga 8, Rama 7, Abellana 4, Escuyos 2.
Third Game:
HLY daog pinaagi sa forfeiture batok Inayagan.
Fourth Game: Tisa (96)— Taneza 16, Lazaga 15, Del Campo 14, Oropesa 10, Masong 10, Polancos 8, Orediza 8, Despi 8, Espina 5, Caburnay 4.
Punta Princesa (67)— Alesna 17, Ramos 12, Arias 10, Diola 10, Villaver 5, Pasana 5, Gaviola 5.
- Latest
