Ynah abante sa ikaduhang pwesto
CEBU, Philippines – Gipa-anud sa Ynah Brokers ngadto sa bul-og sa kapildehan ang MCWD, 104-93 aron mokatkat ngadto sa ikaduhang pwesto kaniaodtong Huwebes, Oktubre 16 sa nagpadayon nga 3rd season sa BOC-CIPU Friendship Cup didto sa barangay Tinago gym, ning dakbayan.
Sa laing duwa, nakatilaw na gyud og daog ang Avenido Brokers human sila maka-ipsot batok sa Global Carrier, 91-85. Sa 12 ka teams nga misalmot, bugtong ang Global Carrier na lang maoy wala pa makatilaw og daog sa ilang 0-7 nga baraha samtang ang Avenido adunay 1-6 nga baraha.
Ang Ynah Brokers kinsa naghupot na karon og 5-1 nga baraha, miabante na nagdto sa ikaduhang pwesto ug nakitagtabla sa Alin Brokers ni team owner Israel Alin samtang midailos na ngadto sa ika-upat nga pwesto ang MCWD sa ilang 4-2 nga baraha uban sa Lao Brokers ug MP Brokers ni Marty Pimentel.
Si Gerry Singson maoy nangu sa Ynah Brokers human siya moposa og 32 puntos samtang midugang og 12 puntos si Glenn Allerite.
Sa laing bahin, tulo ka players sa Avenido ang mibahug og double figures nga gipangulohan ni Jim Villa sa iyang 19 puntos.
Puntos matag usa:
First Game:
Ynah Brokers (104)— Singson 32, Allerite 12, Tan 11, Dellosa 9, Oporto 9, E. Dellosa 6, Niones 5, Peras 5, Garcia 4, Purcia 4, Carmen 2m Villarin 2.
MCWD (93)— Gaco 31, Marata 22, Minoza 8, Cabahug 8, Ebrado 8, Caga-anan 7, Omega 4, Chan 3, Palania 3, Delgado 1.
Second Game:
Avenido (91)— Villa 19, Quilantang 15, Dungog 13m Arevalo 12, E. Avenido 10, Avenido 8, Zoilo 4, Jordan 3, Avenido 3, Duenas 2.
Global (85)— Toaborada 22, Miscala 20, Encabo 12, Cedeno 11, Mabangue 5, Caynila 4, Oquias 2, Diaz 2, Desucatan 2. (BANAT NEWS)
- Latest
