Hangyo ni Roach sa Blackwater
Magsangka na sila si Nonito ‘The Filipino Flash’ Donaire Jr. ug Jamaican knockout artist Nicholas Walters karong adlawa didto sa Carson City, California.
Exciting ning tan-awon tungod kay mas bug-at kini nga timbang itandi sa nahaunang mga weight classes nga naandan ni Donaire.
Delikado nga kaatbang si Walters kun basihan ang rekord niini nga 24-0, 20 KOs. Ikaduha, mao pa kini ang ikaduhang higayon nga makig-away si Donaire sa 126 lbs., samtang mao kini ang naandan nga timbang ni Walters.
Makaduha na ka higayon nga nakauban sa usa ka fight cards ang duha, apan karon pa lang sila mag-abot.
Nindot ning tan-awon kay KO artists si Walters, samtang si Donaire posibleng maglisud kay bag-o pa sa maong dibisyon.
* * *
Nanghangyo intawon ang celebrated trainer nga si Freddie Roach ngadto sa mga makontra nga team sa Kia Sorento nga maoy koponan sa iyang paboritong batos nga si Kongresista Manny ‘Pacman’ Pacquiao.
Mihangyo siya nga dili lang palabian si Pacquiao sa mga taga-Blackwater Elite kay nahadlok siyang ma-injury kini ug dili na hinuon mahinayon ang iyang sangka batok ni Chris Algieri karong Nobiyembre 23 didto sa Macau.
Naunsa man si Roach oi, alangan man pud og pasagdan lang sa pikas si Pacquiao nga mo-shoot ug mo-drive sa ring. Iyaha nang risgo, iya man nang gusto ug tinuyoan, bahala siya.
Nakahibalo gyud na si Pacquiao sa mga posibilidad nga mahitabo. Kun ma-injury siya ug dili mahinayon ang away, duna man siguro’y multa nga ipahamtang ang sanctioning body.
Unya maguba iyang karera sa boksing ug posibleng dili na siya makaduwa’g basketbol kun magrabehan.
Dili man sa pag-ingon, medyo gikuyawan ko aning gusto sa atong Pambansang Kamao.
PAGTULON-AN: “There is nothing outside of yourself that can ever enable you to get better, stronger, richer, quicker, or smarter. Everything is within. Everything exists. Seek nothing outside of yourself.” – Shimen Miyamoto Musashi
- Latest
