SWU belles misilhig 5 ka duwa
CEBU, Philippines – Giharos sa defending women’s champion Southwestern University (SWU) ang ilang lima ka duwa aron mogawas nga topseed sa elimination round sa volleyball event sa 2014 Cebu Schools Athletic Foundation Inc. (CESAFI) niadtong Domingo diha sa Aznar Coliseum.
Ang SWU mibiktima sa University of San Jose-Recoletos (USJ-R) sud sa upat ka sets, 25-12, 25-8, 23-25, 25-18.
Bisan pa sa ilang kapildihan, ang USJ-R moabante gihapon sa sunod hugna.
Sa laing bahin, ang University of Southern Philippines Foundation (USPF) nakaginhawa pa human makaeskapo batok sa University of Cebu (UC) sud gihapon sa upat ka sets, 25-17, 25-20, 17-25, 25-15.
Sa men’s division, ang SWU mipukan sa UC, 25-12, 25-14, 25-19, samtang ang Cebu Institute of Technology-University (CIT-U) mipakaging sa University of the Visayas (UV), 12-25, 27-25, 27-25, 25-22.
Sa secondary girls, ang Sacred Heart School-Ateneo de Cebu (SHS-AdC) mipilde sa UC, 25-11, 25-15. (BANAT NEWS)
- Latest
