UC junior girls nag-una na sa ptl tourney

CEBU, Philippines - Nag-una na ang University of Cebu (UC) jins sa juniors girls’ division sa ikatulong edisyon sa Philippine Taekwondo League (PTL)-Cebu didto sa SM Consolacion ning bag-o lang.

Ang UC’s juniors girl’s  Team-B misakmit sa solong liderato sa standing sa ilang 3-0 record.

Human midaog sa ilang unang misyon niadtong Domingo, ang UC miugkat og laing duha ka daog batok sa Cabancalan National High School (CNHS), 39-15, nasundan og laing makabungog nga kadaugan batok sa University of San Carlos (USC), 47-31.

Sa seniors division, ang UC Team-B miiskor sa ilang unang daog batok sa igsuon nilang Team-A, 53-49. Ang UC Team-B nagbitbit na karon og 1-1  win-loss card niining tag-team type tournament.