MJDL ug ECU line mimakmak sa kontra

CEBU, Philippines - Wala makabawos sa MJDL Brokers ang Ynah Brokers human sila mokulit og 103-84 nga kadaugan ug nakigsawo na sa liderato uban sa Petracorta-Rollway Brokers sa 4-0 nga kartada sa nagpadayon nga 2nd BOC-CIPU basketball tournament sa miaging Martes didto sa barangay Tinago gym, ning dakbayan.

Sa sayo pa, gilubong sab sa Ecu Line ang JVD Brokers, 106-87 aron moabante ngadto sa ikatulong pwesto sa ilang 3-2 nga baraha.

Balanseng opensa ang gihimo sa MJDL hinungdan nga bisan og tulo lang kanila ang mibahug og double figures, ila gihapon nalubong ang Ynah kinsa may lima ka players ang misakmit og double figures nga naglakip sa CIPU treasurer nga si Jeff Garcia.

Parehong miposa og 13 puntos matag usa silang Nico Laborte ug Jaymar Elloren alang sa MJDL ug midugang si Dandan Enriquez og 12 puntos.Nagkumboya sab og 16 puntos ang managsoong Baeng ug Noel Medalle sa ilang nuybe ug siete puntos matag usa.

Si Glenn Allerite maoy nangu sa Ynah (1-3) sa iyang 12 puntos ug lain pa gyung upat ka teammates mitikdol og 10 puntos matag usa.

Sa laing bahin, si Gerry Singson maoy nangu sa Ecu Line sa iyang 29 puntos ug lain pa gyung upat ka teammates ang mibahug sab og double digits.

Nausik ang 13 puntos ni Francis Ibo alang sa 2-2 nga JVD apan ang iyang mga assists maoy hinungdan nga upat sa iyang kauban sayon kaayong nakapuntos ug mihimo sab og double figures sa maong duwa.

Puntos matag usa:

First Game:

Ecu Line (106)--- Singson 29, Taladua 15, Maunes 15, Castillo 10, Tandas 10, Into 8, Alaan 6, Saging 5, Cabillada 4, Olmeda 4.

JVD (87)--- Saguenza 22, Villarin 15, Ibo 13, Munda 13, Pangue 11, Villarin 5, Nadal 2.

Second Game:

MJDL (103)--- Laborte 13, Elloren 13, Enriquez 12, B. Medalle 9, Cayanong 9, Villacastin 8, N. Medalle 7, Arreglo 6, Bensi 6,  Gambe 6, Amistoso 5, Rollon 4, Largosa 3, Abellana 2.

Ynah (84)— Allerite 12, Garcia 10, Peras 10, Niones 10, Lobitaña 10, Piape 9, Oporto 9, Laborte 7, Guirit 2, Purcia 2. (BANAT NEWS)