KN Ferraren mangahas pagdaog laing titulo
CEBU, Philippines - Mangahas na sab ang KN Ferraren ni Engr. Nilo Ferraren nga mohipos og laing korona dihang mosalmot sila sa 4th San Roque 9-a-side Football Cup sa Mayo 2-4 sa duha ka managlahing binyu.
Ang KN Ferraren lab-as pa midaog og duha ka titulo sa 3rd BRO Nationals Football Cup and Festival didto sa Aboitiz Sports Field sa barangay Subangdaku, dakbayan sa Mandaue.
Ang duha ka binyu nga gitan-aw aron mahimong binyu sa umaabot nga torneyo mao ang San Roque Parish football field sa barangay Subangdaku, Mandaue ug ang Sta. Lucia Football field sa Consolacion.
Ang tulo ka adlaw nga torneyo adunay 13 ka kategoriya nga naglakip sa under-9, 11, and 13, boys' and girls’ 15 and 18, men’s open, ladies open, men’s 38-above and men’s 42 above class.
Alang sa dugang mga kasayoran ug sa rehistrasyon, mahimong mokontak ni San Roque Football Club president Marlon Escoto sa 0917-5826897 o di ba ni Ferraren sa 09228899443 o email sa [email protected]. (BANAT NEWS)
- Latest
