Unsa’y bation kon mokaon og 3 ka itlog

Ngano nga mokaon man kita og itlog? Sa pipila ka tuig nga nanglabay, ang kahugpongan sa kahimsog (health organization), nipagawas og pahimangno mahitungod sa kolesterol nga nabatonan sa itlog.

Sama usab sa ubang pagkaon nga avocado, coco oil, ang itlog usab nasaypan nila nga dili kini makadulot og maayo alang sa kahimsog sa atong panglawas.

Karon sa mga pagtuon, ang itlog sa kasarangan nga gidak-on,  naghatag kini og 180-186 mgs. nga kolesterol, nga ang atay mismo nagprudyos sab niini, nga 1000-2000 mgs. kada adlaw.

Hinuon unsa may mosulod nga kolesterol pinaagi sa pagkaon, ang atay mo-adjust ra sa iyang produksyon. Nga sa ato pa, dili makapaugtas sa atay ang kolesterol sa itlog, kay igo ra man nga gihulipan ang normal nga panginahanglang maayo nga kolesterol sa lawas.

Busa, usa ka butang nga kada adlaw maayo kaonon mao ang itlog. Lamian ug makapagana nga may itlog sa pamahaw. Nakita ang mga katarungan kon ngano nga maayo ang itlog nga iapil kanunay sa pagdiyeta.

* Mga nutrens - kon maoy hisgotan ang kabililhon sa itlog sa nutrisyon, igo na kini nga makahatag sa panginahanglan sa kahimsog sa panglawas, kay kargado kini sa bitamina A, E, B6, ug B12, thiamin, rivoflavin folate, iron, phosphorous, magnesium, selenium ug uban pa, nga lisud hibentahan sa kadaghang nutrens.

* Kolesterol – ang dakong pagsaway batok sa pagkaon og itlog, nga kuno kini nagbaton og kolesterol. Hinuon ang itlog nagbaton og ‘High Density Lipoprotein’ (HDL), usa ka maayong kolesterol, nga kini gikinahanglan kaayo sa lawas ug utok. Ang HDL maoy nagpalig-on sa mga selyula sa atong lawas ug utok, aron sab pagprodyus og vitamin D ug hormones sama sa testosterone, astrogen ug cortisol.